NHA PÉ,

I SÉ

PÉ!!!

I

Suma papé,

Suma mamé,

N,tené

Fé

I nha udjus n,sta sempre para frente.

II

Pá Deus

Dang elis

Nha fidjus, 

Nha netus),

Força

E coragem

Pá enfrentar Mundu

Ku nô sta nel!

III

Elis,

I nha vida,

Nada

Acima delis!

Elis,

I nha tudo

Nés mundu!

IV

Nha sunhu,

I tá faci

Lanta tudu

Dia pá ba tarbadja

Ku bontadi,

Afincu

I ku muitu

Interés.

V

Deus,

Na ista nha trás,

Nha frenti,

Pá mostran

Bon caminhu,

Pá n,Ka burgunhu

Nha 

Fidjus,

Nha

Netus,

Nha família!

VI

Na pidi

Deus,

Pa dá

Força,

Saúde,

Fé,

Idoneidade

Ku honestidade,

Crença

Combativa,

Na bardade

Relativa,

I pá i libran de

Kil ku n,ka sibi!

Pá anda

Ku nha pé

Propi,

I pá ninging 

Ka riing...!

VII

Na pidi

Deus,

Pá n,ka desanima,

Pá bi 

Kuma

Alguing,

De alguing 

Negang,

Largang,

Pá bi

Kuma

Chama

Paga,

Nada

Más

Ka ten, si, 

Sinon, Kil ku fica trás...!

VIII

Baca

Ku Ka tené rabu,

Deus

Ku tá banal!

IX

A tudu nha fidjus,

Netus,

Na pidi 

Si compreenson,

Si atenson,

Si amor

Ainda 

Maior

Na si 

Vida

Pá mi,

Pabia elis i nha firguidja,

Nha caminhu

De sonhu!

"Que Deus os proteja"!!!

(Continua)

Brandoa(Amadora), sábado, 00:30), 07 de janeiro de 2023.

KK