KA BU TCHORA

MAIS,

NHA TERRA,

NHA PAÍS !!!

Nha terra,

I justa

Di sofrimentu,

Di kansera,

Di tchur,

Di sangue

E larma

Ku darmadu

Na tchon des terra!

II

Desdi

Nha nascimentu

Até es momentu,

N,ka kunsi

Kê ki

Alegria,

Senão miséria

Na alma,

Suma

Miséria,

Fruta de Bolama!

III

Nha armon,

Nô djunta mon,

Pa nô tira

Nô terra

Di kasabi,

Di foronta

Di tudu 

Dia;

Pa nenhum mamé

Ka gimi

Mais

Na nô país!

Pa nenhum mamé

Na nô Guiné,

Ka tchora

Mais,

Pa bia 

Di falta

De leite

Pa  mamenta

si fidju

Piquininu

Na si pitu!

IV

Nha genti

Kansa 

Tchora

Nes terra

ku esperança

Ka ta dislumbra!

Nô terra

Di sabura,

Ku nô dirigenti(s)

Apenas é ta 

Fumenta

Guerra,

Currupçon,

Ódiu,

Djambadon,

Divison

Na nô povu,

Porque é ka ta

 Preocupa,

Porque, sê objetivu,

I só furta

Tudu,

Pa leba

Para Europa.

V

Nha terra,

Nha país,

Ka bu tchora

Mais,

Porque bu fidjus

Fazi jus

Ou é tchiga jus

Sobre sé comportamentu,

I é tchiga (um)entendimentu

De que i altura

De leba terra

Pa um caminhu

Di sussegu,

Paz,

Desenvolvimentu,

I progressu!

VI

Um dia,

Sunhu

Di Amilcar Cabral,

Na torna realidade:

Alegria

E felicidade

Pa si cumunidade!

Crianças

Na tené escolas

Pa é sedu 

Homis de amanhã,

"Na verdadeira

Aceção da palavra "!!!

Escola Básica e Secundária Dom Martinho Vaz de Castelo Branco( 6ª-feira- 14h23 minutos), 29 de maio de 2015.

KAMBALL (NDO)